قصيدة الرزق

موضوع: قصيدة الرزق الأحد أبريل 03, 2011 10:02 pm

قصيدة الرزق
[size=18]

من أسماء الله هو المطلب .............سبحانو يحب العبد ايلا طلبو

العبد ايلا دعاه بلا شك يجاوب .............والداعي يلقاه دايما بقربو

قدما تدعيه قدما هو يجب .............ويفرح لما تدقدق في بابو

هو ما يتعبش حتى انت تتعب............ولما تولي ليه تعاود تصيبو

عندو لكنوز والفضة والذهب............وعندو للناس كل ما يطلبو

ويدان وبحور والناس كي تطلب .............كأنهم طيور منو ينقبو

الانسان برك لوكان جا يحسب............شحال من ارزاق دخلت في جيبو

شحال لبس ولا كلا وشرب ............ما يقدرش يحصيه لو كان يحسبو

اتفكر كي كنت سهران تتقلب ..............وتفكر في الرزق منين تجيبو

لمن راح تروح شكون الي تطلب ............شكون في وقت الضيق رايح تصيبو

رحت الاهل وزدت الاقارب............. صاحبك وخوك الي من صلبو

الي توصل ليه منك يتهرب .............ويقولك ما كاشو من وراء بابو

يا سبحان الله وتبقى مستغرب ............غير البارح كان يخبط في جيبو

ويقول اتهنى ايلا ربي كتب.............نعاونك بالشيء الي تطلبو

كي يلحق الصح يقولو الله غالب .............ولا كي يشوفوك يولو يهربو

وانت تلقى روحك وحدك تتعذب.............وهوما لاتيين يلمو ويخبو

يا ويح الي يكنز الفضة والذهب ............يسخنو ويتكوا بيهم في جنبو

وكاين منهم الي يمدلك كي تطلب ...........بصح على سبة وماشي من قلبو

ويبقى يفكر فيك ويمن او يحسب ...........وتندم على النهار الي رحت تطلبو

وثما تتفكر بلي عندك رب.............تدعيه سبحانو ويفتحلك بابو

قد ما تقرب ليه تلقاه الاقرب ............وما يحبش يشوف عيبادويتعذبو

بعثك للناس غير باش اتجرب ..............وتتعلم الزمان وتقوالو حسابو

وتتعلم ثانيت كيفاش تسبب ............وكل واحد يعلم عديانو من صحابو

وكي يلحق الوقت يفرج الكرب .............والخير ما تعرف منين تجيبو

بلاك ما الشرق او بلاك مالغرب ............ولا بلاك تنوض قدامك تصيبو

او لو كان عطاك هذاك الصاحب ..............ما كان راح ينقص والو من جيبو

او مدام كذب ايلا ربي كتب............يروح برجليه يمدهم لطبيبو

وهذاك الي من او باقي يحسب ..............وحاسب الرزق يجي من جيبو

يجي نهار يطيح ويولي يطلب .............ياك حتى لجبال يطيحو ويريبو

ولي طلب الناس وقال الله غالب .............من ضعف اليقين والايمان في قلبو

يسأل البقرة الي منها يحلب .............شكون الفلاح الي تاكل من عشبو

ويسأل الفلاح على هذا العشب .............شكون الي عطاه وسقالو ترابو

يقولك الرب الله المطلب ............سبحانو ويحب العبد ايلا طلبو

العبد الى دعاه بلا شك يجاوب.............والداعي يلقاه دايما في قربو

بالله علاش تروح للناس بالمقاصد .............ولي تقصدو بالله واش عندو

لبنادم ولو عندو خير زايد .............تروح تلقاه حتى هو ماد يدو

رد بالك لا يصرالك كي الواحد ............الي راح يطلب الرزق عند سيدو

دخل عليه في قصرو لقاه ساجد.............متهجد يطلب الله في سجودو
منقووووووووووووووووووووووووووووووووووووووووووووووووووووووووووووووووووووووول

قصيدة الرزق 14271

بارك الله فيك

جزاك الله خيرا

شكرا وبارك الله الله فيك على مجهودك
جزاك الله الجنة

شكرا وبارك الله قيك على الموضوع القيم

ــــــــــــــــــــــــــــــــــــــــــــــــــــــــــــــــــــــ توقيعي ــــــــــــــــــــــــــــــــــــــــــــــــــــــــــ

» قصيدة عن برشلونة وميسي
» قصيدة عن الشجرةةةةةةةة
» قصيدة اسلامية
» قصيدة عن الله
» مقطع من قصيدة البردة